قصيده ( 15 يوم )
راح النيابه الجدع
عامل يااخويا مظلوم
عملتوا فينا البدع
من توشكى للسلوم
رشوه وسرقه وقتل
واقفه لنا فى البلعوم
فى الشرم بتصيف
فى مارينا تتكيف
والشعب متكتف
وف المجارى يعوم
ضايع رغيف العيش
والفول بقى مسموم
ومنين ياعم اعيش
وانا مش معايا هدوم
دانا ليا صاحب كان
عايش معايا زمان
متربى فى الحته
مش لاقى ولا حته
وانتوا بدل الشاليه
معاكوا بالسته
فى شرع مين نبقى
عايشين كما الانعام
بنام كما الانعام
ناكل كما الانعام
والخوف مكتفنا
حتى ما نلقى كلام ؟؟؟
بالذمه دا اسمه كلام
عايشين كده فى حرام
وهموم معاها هموم
لا ميه ولا حموم
والاخ مش عاجبه
ياخد 15 يوم
طب واحنا كرامتنا
ولا معيشتنا
راس مالنا وعيالنا
ما الشعب كان مظلوم
من كل شئ محروم
بتناموا ف قصوركم
وينام ده ف البدروم
ثروتكم بالمليار
والشعب ثروتهم
ربع جنيه مخروم
ياعم عيب اختشى
يابو قميص شفتشى
مش عاجبك لبس السجن
ما انا كنت بلبسلك
ياما قميص النوم
بتنام معايا كده
ولا شرع ولا مأذون
وتشوفنى بتعذب
بتجيب كمان مخزون
ويموت ابويا محزون
جرب وشوف نومتى
فى السجن واتألم
اه لو سنين العمر
ترجعلى واتكلم
كنت امشى بدراعى
واعيش كده واعى
ولاكنت تسرقنى
ولا كنت تسجننى
ولا كنت يوم تقدر
تقرب على بتاعى
لكن مفيش داعى